陶傑(左)喺商台主持嘅節目《光明頂》早前請咗倪匡做訪問，倪匡話遇過唔少奇人奇事，呢啲經歷都有放喺小說入面，佢又話人生好難公平，所以好人未必有好報，惡人唔一定有惡報。主持問倪匡如果電視台再搵佢做《今夜不設防》，佢會唔會考慮？佢話：「黃霑唔喺度，如果只有我同蔡瀾應該未必做得成，加上陶傑，應該可以考慮。」但陶傑就話冇資格同兩位前輩一齊主持呢個節目。