英冠嘅卡廸夫城喺上周六聯賽，憑23歲首席射手祖柏大演帽子戲法，主場險勝李斯特城3:2，打破近兩個月主場不勝「旱災」！儘管卡軍球迷開心贏番波，但買咗佢哋[-1]「主勝」嘅波友就喊得一殼眼淚喇；卡軍領先3球先喺70分鐘俾人追番1粒，唔少球迷都未驚住，殊不知完場前1分鐘再俾客隊追多1球，痛失3.8倍「主勝」！嗚呼哀哉！