金融市場求才若渴，有經驗有專才嘅賓架，真係唔使憂跳槽冇機會，好似人稱「KongKhoon」嘅渣打銀行中港區個人銀行業務主管陳珙君，舊年頭先至由香港個人銀行業務阿頭，升到地區主管呢個位，噚日華華就收到佢老哥位秘書姐姐來電，話佢老闆喺渣打做埋本月底，將有新動向，故特別向各方友好打聲招呼。
據了解，KongKhoon兄將於3月1日，正式加盟通用金融（GECapital）旗下、收購咗冇耐嘅泰國銀行BankofAyundhya，出掌該行嘅總裁兼行政總裁一職，華華相信，以陳兄喺個人銀行業務嘅豐富經驗，加上佢待人接物嘅人際關係，喺泰國發展一定難唔到佢，在此祝佢老哥，喺暹邏國繼續大展鴻圖。
[email protected]