網上流傳了不少鬼片，係真係假只有Post上網嘅人先知，好似呢段鬼片就關於鏡㗎喇！呢段嚟自日本嘅片段，標題係「千萬不要對三面鏡梳頭……好恐怖」，全片只長1分鐘，主角係一個可愛嘅小女孩，同埋一塊三面鏡！段片一開始就見到個小妹妹喺鏡前梳頭，頭廿幾秒都係見個小妹妹不停咁梳，去到30秒就到戲肉啦！當小妹妹由鏡度回望揸機嘅媽咪時，其中一面鏡出現咗個怪現象──鏡中嘅倒影竟然無跟真人一齊郁，而係Hold住咗。片段後半部仲要將嗰個鏡頭ZoomIn兼慢鏡重播，加埋啲陰森恐怖嘅音樂做Background，真係有啲心寒！唔知係我疑心生暗鬼定係乜，我總係覺得鏡中嘅小妹妹面目模糊，仲要係對眼無眼白得眼珠咁樣。
記者：區佩嫦
網址： http://www.youtube.com/watch?v=H6A2VWVb1rU