于大寶係中國嘅超新星？葡超球會賓菲加為開拓中國市場，竟向中甲球員打主意，日前正式以40萬歐元（約400萬港元），收購咗海利豐19歲前鋒于大寶一半擁有權；據講「小于」射門觸覺敏銳、速度高，潛質甚至比曼聯同胞董方卓厲害，曾喺國少隊對祖記青年軍時射入兩球；陣內大哥雷哥斯達仲邀請「小于」去睇戲，一盡地主之誼！