周汶錡昨日以性感露肩旗袍演繹百萬元翡翠，華麗動人。她透露與法籍男友Julien日日都過甜蜜情人節，皆因對方「一個SMS，一個眼神，一個笑容都好sweet」，看來不但有情飲水飽，有情更可以當糖食，甜到漏。
未到農曆新年，各大小商場已經各出奇謀宣傳，名模周汶錡（Kathy）昨日為金鐘太古廣場「喜迎新意」示範新潮唐裝，她示範四套上海灘旗袍，配襯過百萬元的連卡佛翡翠鑽飾，摩登典雅，吸引不少市民拍照。
搜刮窩心禮物
Kathy透露有收藏旗袍的習慣，她說：「中國女仔着旗袍好好睇，顯得身形線條最靚，氣質又好，可惜媽咪仲瘦過我，得23吋腰，所以我着唔到佢嘅珍藏。」Kathy又謂完騷後將會四出shopping，順便買情人節禮物送給男友及朋友，她說：「未知點慶祝呀，嗰日要開工。買嘢就睇心思啦，唔會計大細、貴平，同鍾意嘅人一齊就每日都係情人節，情人之間最緊要係sweet，sweet就日日都係情人節啦。」
法籍男友Julien平日有甚麼甜蜜舉動？Kathy甜笑說：「一個SMS，一個眼神，一個笑容都好sweet㗎。」她又謂因男友關係，自己的法文進步不少。早前有雜誌拍到Kathy與男友食飯吵架，她笑着回應說：「乜嗰個記者識法文呀？啲相係幾個月前啦，我唔會當眾嘈交㗎。」Kathy又透露拍拖至今，從未帶男友見家長，她說：「等再穩定啲先啦。」
採訪：JessicaNgan
攝影：ChanChiLam
