古天樂近期忙緊拍杜琪峯嘅《鐵三角》同葉偉信部《破軍》，上個禮拜佢半夜起身為《破軍》開工，佢話：「因為個景好遠，所以凌晨4點已經要出發去拍攝場地，我個角色有好多動作場面，有一場戲我仲俾人打到成頭係血，工作人員係咁喺我個頭淋血漿，加埋啲汗水，搞到我成塊面好鬼痕，拍完呢場戲，我就即刻要去清洗。」