香港人對食物安全越來越關注，尤其是海產類食物，從市場買回家後，要徹底清洗才烹調。網友bettylam在Yahoo知識求教怎樣將蝦清洗亁淨的方法？
PrincessMarshmallow回應：「最緊要用牙刷刷洗，加鹽洗好啲，之後要再過水。蝦腸一定要清洗，那些是屎，身體廢物都唔會有益，而且味帶屎土味，真係食都食得唔安樂。所以一定要除咗蝦嘅屎腸先好食。」
香港仔漁業海鮮商會主席陳富明指出，一般人吃白灼蝦，只需用清水或鹽水沖洗便可，如果逐隻蝦用牙刷洗刷，就更加亁淨，但通常不會挑走蝦腸，「好視乎個人口味同接受程度，有啲人食海蝦，連蝦頭都食埋；養蝦就唔同，一定要用牙籤挑咗啲腸先至煮或食。」陳又說，如果吃炒蝦仁或開邊蝦，可以在脫殼或切開邊時，順便挑走蝦腸，食起來就更安心。