人哋話07係金豬年，幾十年先得一次，機會難逢，計我話唔搵番個風水大師幫自己算吓命又點得？不過幾千蚊睇一趟又真係貴到嘔，睇雜誌或報章介紹又嫌內容唔夠豐富……好彩，最近發現用手機睇風水竟可以算命！講緊嘅就係諾記免費提供畀S60玩家單撈嘅風水年鑑，由別號觀龍嘅黃文超師傅一手監製，唔講唔知，原來佢曾經幫過前港督肥彭算命㖭㗎！呢套軟件嘅內容都講得幾詳盡，例如教你擺流年流月方位吉凶圖、犯太歲生肖增運法，每月師傅仲有金句贈你。嘩！簡直好似真人一樣，除咗上網免費單撈之外，仲可利用Bluetooth射畀對方，直接方便。
記者、攝影：陳國輝
你唔知方位吉凶圖係乜唔打緊，隔籬有詳細操作方法，睇完就曉。
單撈網址：www.nokia.com.hk/S60/fengshui