「金毛獅王」沙維亞喊走！據佢嘅經理人講，呢位米杜士堡老將好想離隊，同之前報道話佢想要張長期飯票，所以近期搏命比賽真係兩回事。點都好，佢當年加盟「米堡」無耐就因懷疑使用禁藥被罰禁賽1年，會方對佢不離不棄，近期領隊修夫基亦肯畀機會佢重新「成獅」，無論佢真係另謀高就，抑或乘機跳草裙舞想要較好待遇，都算反骨行為咯！