呂方噚日去商台做訪問，問佢開始綵排演唱會未？佢話：「就快㗎啦，不過自己就日日都練，因為今次都會唱唔少人哋嘅歌，所以要記歌詞，唔想唱錯。」今次開騷總共三場，加開嘅一場今日公開賣飛，佢有位癡情歌迷，非常豪氣，一次過訂咗三場總共180張貴飛，呂方笑住話：「佢應該係幫人訂啫，我都唔知呢位歌迷係邊位，不過都多謝佢。」佢話朋友都好識做，冇問佢攞免費飛，全部自己買。