熱刺嘅快翼艾朗連儂傷咗一輪，被領隊祖爾大彈佢冇態，點知呢隻快馬用行動展示威力。艾朗連儂喺上場足總盃對修安聯，有調查指佢全場跑咗12公里，比平時嘅10公里足足多出兩公里，認真犀利。賽後祖爾反口話艾朗連儂越嚟越「弗」，體力用唔完喎！祖爾踩自己球員唔係咩大新聞，但艾朗連儂走幾多公里都知，個調查員仲勁。