名模樂基兒和AmandaStrang昨日在中環為日本名牌TsumoriChisato行騷，樂基兒性感露罅，又不停甜笑，心情極好。早前她與黎明到馬爾代夫度假，有傳黎明向她求婚，樂基兒昨日甜笑否認說：「冇人向我求婚喎，若果有，我會同你哋講呀。」那會否做金豬新娘，她說：「冇咁嘅計劃，我𠵱家忙返學同工作，唔係𠵱家囉。」即不會閃電結婚，她說：「唔保證，maybe啦，我唔知，如果有一日我結婚，結完我會講嘅。」
樂基兒又謂未安排情人節的節目及禮物，相信會與一大班朋友過，她說：「開心就每一日都係情人節啦。」提到近期外界將她與另一「天王嫂」熊黛林比較，樂基兒說：「呢個title太重喇，佢哋係天王得㗎喇，四大天王等佢哋做番，我做番Gaile，最普通嘅Gaile就夠。」
採訪：梁錦雯 攝影：陳順禎