【珠海直擊】熊黛林、官恩娜（Ella）與任賢齊昨日到珠海出席為仁濟醫院籌款的「仁濟.國際超級跑車會慈善賽道日」，雖然昨早天氣寒冷，但兩女依然穿短裙上陣，不過Ella始終敵不過熊黛林，因為記者拍照時，熊黛林立刻除下外套，以露肩短裙搶鏡，看在眼裏的Ella不停喊凍，還是保暖為上，沒有脫下外套。
「我唔係女神」
事後記者問Ella為何不肯脫下外套，她說：「天氣真係好凍，熊黛林係好性感，佢係女神，同頭先架跑車襯到絕，我又唔係女神，咁凍梗係包到實啦！原本我連短裙都唔着，但今年興着長襪，咁我先至着短裙嚟襯咋！」
熊黛林被傳因常借男友郭富城來宣傳，終激得男友飛掉她，昨日她尷尬回應說：「全部是他們（指雜誌）說，我從未說過。」熊黛林始終不肯正面說有沒有分手，只說：「太私人的問題，我不想回應。」
另外，城城昨日到尖沙嘴出席護膚品活動，對於與熊黛林分手傳聞，他笑笑口說：「聰明嘅讀者都知道呢啲報道係假嘅。」那是否代表二人沒有分手，城城說：「點答好呢，其實我從來都冇承認過或者默認過我哋係男女朋友關係，我哋只係朋友，同埋我拍唔拍拖係我嘅私人生活，對於感情我一向好低調，唔需要向外解釋。」
採訪、攝影：曾小嘉
