韓國女星河知雲近日工作忙碌，前日佢一連走兩場，出席新片《一番街的奇蹟》嘅記招同埋試映會。今次係河知雲同任昌丁繼電影《我班Friend好搞嘢》後再合作，兩個人仲喺記者會上玩到癲。噚日劇集《黃真伊》中飾演「芙蓉」嘅女星王光娜舉行婚禮，河知雲都有到賀，記者一見佢就即刻湧上前，搶咗主人家唔少風頭，佢受訪時仲話𠵱家冇男朋友。