陳奕迅（Eason）早前在無綫《勁歌》總選奪得最受歡迎男歌星獎，基仔前晚則捧走四台聯頒傳媒大獎，各領風騷。前晚Eason在中文金曲頒獎禮後接受訪問時，竟暗寸基仔說：「我戥基仔開心，攞獎重質不重量，攞唔到都唔緊要，我以前仲以為傳媒大獎係傳媒畀嘅㖭，攞到獎都要多謝傳媒幫手推廣音樂。」
感冒未癒唔慶祝
問Eason是否好壞傳媒都感謝？他說：「係嘅，冇新聞點有名氣？」Eason又謂其感冒未完全康復，昨早又要五時開工，故頒獎禮後即回家休息，不再慶祝。
此外，何韻詩前晚只得一個優秀流行歌手獎，幾乎全晚呆坐，事後她說：「冇失望，都冇期望，只係唔識扮好雀躍囉。我冇試過喺十大金曲攞金曲獎，怪大家口味唔同囉，可能我太怪，係另類歌手。」阿詩又謂每個台有不同需要，她無法全部迎合。
採訪：胡比 攝影：仇志德