自從「黐脷淇」釣到金龜後，燃起不少少女嫁入豪門嘅希望。其實家家有本難念的經，高門大戶、有錢人家嗰本經就更加難念，好似以前拍戲行性感嘅「孖豆」咁，自從做咗搞時裝嘅「怕醜老公」賢內助後，一心相夫教女，乜都以老公行先。
扮靚有心無力
不過孖豆喺衣着打扮上都落多咗唔少工夫，不時煲吓時裝書update，費事失禮枕邊人，對自己嘅風格都培養咗信心。不過有heart唔代表有power，早排孖豆去咗修甲店扮靚，滿心歡喜跟番潮流整樹脂甲，點知第二日孖豆就死死氣返去修甲舖脫甲，話要變回原形，原來佢返到屋企，怕醜老公見到唔多鍾意，就叫佢去脫甲，真係無奈。關仁覺得孖豆都好慘，連自己嘅樹脂甲都捍衞唔到，其他家中大事相信都冇話事權啦！
Textby關仁
