幕前再風光，怎也不及家庭樂貼心溫暖。昨日一班父母級名模明星帶同兒女到紅磡欣賞兒童音樂劇，張家輝和關詠荷帶同女兒Brittany公開亮相。家輝被問到會否捧女兒做童星時，即耍手擰頭，又表示已為女兒推了兩個廣告。早前關詠荷復出為無綫拍劇，兩公婆寧可密密工作賺奶粉錢，也不願女兒辛苦，愛女之情溢於言表。
大型兒童音樂劇《灰姑娘》昨日在理工大學賽馬會綜藝館公演，吸引了不少名模、明星拖男帶女捧場享受親子樂，張家輝與關詠荷夫婦就首次帶女兒Brittany公開露面，大為搶鏡。
黐老婆呷亁醋
Brittany雖然年幼，但表現乖巧，即使被現場傳媒瘋狂拍照一樣無喊無扭計。關詠荷說：「佢啱啱夠一歲，𠵱家定少少，所以可以帶出街。」
張家輝透露囡囡平日多與關詠荷親近，難怪他呷醋地說：「媽咪唔喺度先黐我咋！」問到Brittany年紀小小，但對鏡頭毫無懼色，大有潛質做童星，張家輝即時sayno，不住耍手擰頭說：「唔得！唔想！唔好呀！做呢行壓力又大，工作時間又辛苦，我唔想佢咁辛苦，不過佢都有人搵，已經推咗兩個廣告。」
跌落床撞親頭
歐陽妙芝昨日帶同1歲半大的囝囝方玉丞現身，只見他甫到場即拎起畫筆在簽名板上亂畫，之後又搶走TVB主播的咪，四圍走唱歌，怎也不肯歸還，妙芝也大歎無奈。
妙芝說：「佢真係好頑皮，早排喺張床跌落地㖭，仲係頭落地，嚇死我！我即刻送佢去醫院，佢反而一啲都唔驚。」此外，康子妮與兒子林寶、琦琦與女兒Ella，還有退出娛圈多時的龔慈恩也帶同兒子Edison、女兒Ashley欣賞舞台劇，場面熱鬧。
採訪、攝影：吳天慧
