許志安、汪明荃及陳曉東前晚在亞洲國際博覽館演出「祖海香港好運來大型演唱會」，霍震霆、前律政司司長梁愛詩、高志森及葉童都有捧場。
最近有報道指鄭秀文（Sammi）修整剋夫鼻，安仔冷笑直指無聊，又說：「近排興整容話題，可能下次話我整大咗個鼻，我好擔心小朋友睇完去整容，身體髮膚受諸父母，除非意外或缺陷，醫生建議整先去，否則唔好鼓吹，有違道德。」問安仔會否做Sammi稍後開的個唱嘉賓？他說：「同公司梗係做，唔做都去睇。」
東東怕桃花
陳曉東早前被拍到與靚女到環球嘉年華遊玩，他前晚說：「嗰個係我嘅化妝師，仲有男同事一齊。」談到舊愛張栢芝懷孕，東東說：「當然希望所有好事發生喺佢身上，我唔想講人哋嘅嘢。」
問到與「翻版鄧麗君」裴唯瑩發展如何？東東說：「唔好叫佢翻版鄧麗君啦，我專注錄歌，拒絕做緋聞宣傳者。」
採訪、攝影：曾小嘉