快餐店「抵食夾大件」，但卻非時下纖形男女受得住，香港營養師協會會長余思行指出，連鎖快餐店一碟白飯足等於平日的兩碗白飯；至於一碟炒飯甚至等於兩至三碗白飯。單是一碟白飯已有500卡路里，加上多肉少菜，每日一餐，肥胖指日可待。
「快餐飯多長食一定肥」
余說：「活動量較高嘅男士都仲可以消耗到一碟飯嘅卡路里，但普遍OL根本食唔晒，一碟飯已經佔整日所需卡路里嘅四分一，有啲人唔想嘥嘢，食晒成碟，但長期食一定肥﹗」她又指，炒粉麵的份量也不少，「足足有成幾碗，加上多油多澱粉質，仲肥！」
她教路，出外吃飯時，兩名女士可合叫一碟燒味飯及兩碟菜，每人就可達到「一碗飯、一碗菜及半碗肉」的健康原則；又或可主動向食肆提出「少飯」，甚至「打包」以免浪費。
本報記者