全港陷入食油魚屙出油的恐慌之中，人畜聞油魚色變，擔心進食後會屙到腳仔軟，但亦有口痕網民認為不妨將油魚當成通便藥，助便秘人士排便。不過，醒目網民自然不會冒「屙油」風險，更集思廣益，推薦了三大食後助通便的食物！
「我3至4日先大便一次，係咪好唔正常？食咩幫助排便？」網民Atomic_hoooo有難「便」之隱，開口問朋友很𤓓，上網在香港討論區發出求救訊號就唔怕尷尬。熱心網友即時回應，不少人建議他進食近期人氣食品油魚，但亦有認真的網民教路：「西梅好勁㗎，屙到你虛脫都得。」
要通便，網民都首推西梅，其次是香蕉，網民jackyliyt形容：「食香蕉囉，加杯凍水仲可以快啲。」至於最後一樣是喝暖開水，「一朝早飲一大杯暖水啦！包你暢通無阻。」不過這些方法未必人人合用，有秘便問題其實最好看醫生對症下藥。