好多人新年都想揸新車去拜年，所以每逢農曆新年之前，各大車行都會大搞車展或推出優惠去吸引用家買車；若然你都想過吓「新年揸新車」癮的話，不妨趁呢個周末，走去參觀富利堡汽車喺灣仔會展新翼Hall1C舉行嘅車展啦！
屆時除咗有多款唔同類型嘅新車展出之外，呢期好Hit嘅環保車亦會喺場中展出；其中最吸引嘅，就係剛啱到步嘅ToyotaEstimaHybrid。呢部車個Look雖然睇落同普通版差唔多，但原來佢配備咗一套名為THSII嘅Hybrid系統，以一台2.4公升直4汽油引擎（馬力150匹）作核心嘅同時，輔以2台分別擁有143匹及68匹馬力輸出嘅交流電馬達，另外仲有埋廠方獨有嘅E-Four電子四驅系統㖭。講到設備配搭就更齊全，甚麼麖皮座椅、雙電趟門、全車攝錄鏡頭，甚至連至先進嘅AutoPark系統都有埋，啱晒嗰啲既講環保，又鍾意趁假日同屋企人去郊外玩嘅人，係啱嘅朋友，就要行快步去睇吓啦！
記者：鄭達基 攝影：黃子偉
時間：今日10:00am-7:00pm
地點：灣仔會展新翼Hall1C