《最後勝利》叫佢粵語殘片都不為過，因為當時菲林難以同今日相比，黑位無Details，畫面一堆「飛蚊」，放入部高清電視睇真係全部現形！好彩，最近《最後勝利》推出咗數碼修復版，點睇最靚？高人指教下，原來修復版畫面較暗，最啱LCDTV，而且要校光啲、開NR同校紅啲。
記者：許福合
攝影：Jacky
鳴謝：阿二無線電（23936381）
LCDTVVSPlasma
NR比較
記得開NR減黑位雜訊
走上旺角影音舖搵嚟專家成哥教路，問到點Setup部電視睇呢套《最後勝利》會有最佳效果，佢就教路話巿面大致上有原色同非原色兩種玩法，原色係用PioneerISF技術，能夠重播出DVD最「原本」嘅顏色，甚受電影製作人歡迎，因為佢哋認為最真畫面並唔係最Sharp畫面，而係要還原電影真面目。另一個係指一般用家心水設定，成哥就話每隻碟因為畫面同拍攝手法都唔同，要有好質素就要每次都Set過晒，以今次《最後勝利》一片為例，應首先設定色溫，再來就係其他顏色、光度等選項，光度一項因為全碟光度較暗，可略為推高，畫面會比較清晰。現場睇過自訂畫面比ISF仲要靚，作為觀眾當然選靚嗰種喇。另外，雖然話此片經過修復，不過似乎無將飛蚊（粒粒）修走，所以記得開埋NR（NoiseReduction），畫面幼滑好多。
修復版畫面暗 啱夾LCDTV
現時流行LCDTV同Plasma，究竟睇落去又有無分別？成哥就話：「通常我睇戲都係用Plasma來睇，畫面比較靚，而且黑位層次感較強，畫面比較好睇，不過睇呢隻DVD，LCDTV效果就較佳。」的確，將LCDTV畫面與Plasma比較，整體的確LCDTV較自然，雖然明顯黑位部份無Plasma咁好，但由於《最後勝利》全片比較暗，LCDTV特性之一銳利度高、光度足，就變成最佳配搭，難怪行過嘅人睇到都話：「舊片都幾靚喎。」聲音方面，修復版可以出到DTS、DolbyDigital，只用左右配置有喇叭電視欣賞，就能夠輸出模擬環迴立體聲，效果都唔會比新DVD電影差。
電視推介
Sharp46”
LC46G7H
$35,800
Pioneer42”
PDP-427XG
$21,900
《最後勝利》劇情簡介
《最後勝利》已經係87年片，片中主角今時今日都有唔同發展，男主角有外形多咗頭髮嘅曾志偉（雄），女角就係已淡出嘅李麗珍（Mimi），仲有成為大導演嘅徐克（大哥寶）。古仔講到雄與大哥寶由細於孤兒院內一同長大，親過親兄弟，後來大哥寶因為事要坐監，交帶雄照顧佢兩個女人Mimi同萍姐。後來雄同Mimi日久生情，大哥寶知道後竟然唔理兄弟情，向二人下斬殺令，兩人為籌錢走佬，諗計打劫銀行，但最後又臨陣退縮，最後二人能否擺平追殺，同大哥寶和好如初？唔講住，想知就買DVD睇喇。
查詢：DVDPro（23326326）