仲記唔記得之前《逃》（PrisonBreak）第一季喺電視上有幾咁受歡迎，《逃》係歷來最受歡迎外語劇集，當時唔少人放工唔去玩，專登飛撲返屋企就係為咗睇《逃》，以西片來講真係少見，去到結局篇，電視台更一口氣播出兩集，《逃》人氣更為旺盛，相信好多人都有趕返屋企專誠睇靚仔主角WentworthMiller究竟有無成功逃出！
記者：許福合
湯告魯斯接班人
好多人都話《逃》之所以咁受歡迎，除咗故事劇情編排得緊張刺激外，功臣可以歸功於型男WentworthMiller演出，佢有湯告魯斯接班人之稱，在美國走紅同時，亦甚得女性歡心，坐擁一班女性Fans。由於《逃》係以電視劇製作，故事相當長，基本主線係講男主角Michael，因為友人犯謀殺罪，將被判死刑，為咗救出友人，Michael竟然去打劫銀行，失敗後被關進同一所監獄，與友人策劃一個逃獄大計，而過程之中，竟又發掘出一個驚天大陰謀。
故事講咁多，如果你錯過咗電視版，又或想將全戲「據為己有」，今個星期就有機會，《逃》第一季Boxset已經推出，6DVD裝收藏第一季劇情，另外仲特別收錄有刪剪片段、幕後花絮同製作特輯等，嚟緊新年假期，可以慢慢翻煲！
售賣點：DVDPro
地址：旺角德發商場地庫B4號舖
電話：23326326