「大學大把女仔有男朋友！」有讀大學的高登討論區網友貼出這個議題後，隨即感歎說：「入到大學好難搵女朋友！」有網友酸溜溜回應：「唔止大學，中學都大把女仔已經有男朋友。」一班獨男同病相憐，「嗚呀嗚」以過來人的姿態指出：「大學已經係好好環境，出嚟做嘢你就知死，返工大把女仔有老公、細路或LV手袋。」
「冇男朋友嘅都唔少，睇你識唔識搵㗎啫！」聽見退休特警這樣說，「我不愛蔡楓華」立刻接着道：「你估女多男少真係有用咩，件件係扒已經夠死，除非你唔介意鋸扒啦！」也有持樂觀態度的網友如軒轅劍表示，能否在大學追到女朋友，要看入讀甚麼學系，有些學系如文學院的女學生便「多到喊」，而且大部份未有拖拍。「好多大二、大三的識途老馬，都好踴躍參加迎新日或迎新營去尋找目標。」小幸村還建議網友不妨多點旁聽不同課堂，以便結識其他學系的女學生，當中「有唔少靚女仲未有男朋友㗎。」