「comemon打利cool」，一知道有法國遊客走近，「通曉」16國語言的香燭檔女東彭姐即一個箭步走出，以半鹹淡的自譯法文向遊客打招呼；縱使她發音不準，將法文「Commentallezvous（你好嗎）」讀錯，但已先聲奪人，吸引遊客駐足觀看其貨品。
「邊個唔想擺正門口」
「呢招係我嘅『秘密武器』嚟，每次見到唔同國籍嘅遊客，我都請教佢哋『你好嗎』同『多謝』嘅外語點講，再自己拼音記落本簿仔度，呢招真係掂㗎！」彭姐邊向記者展示她的「傑作」，邊露出洋洋得意笑容。筆記簿內除有日、韓、英、法、德、意、泰及普通話，還有較少人懂得的印度、俄羅斯、西班牙、印尼、越南和馬來西亞等16種外語。
彭姐的香燭檔經營了數十年，她與其他行家也是繼承父母祖業，並與親人齊心打理。可是生意不景，收入逐年遞減，她才另謀策略，如搜羅999「足金」等獨家貨，又開創代善信免費化寶，希望可以出奇制勝。她慨歎：「冇辦法啦！好多本地同內地客都畀佢哋（無牌小販）搶晒，有邊個唔想擺正門口咁靚位先？我哋冇得擺，惟有諗啲獨門計仔嚟搶番啲生意囉！」
彭姐續稱，其香燭檔前身為鐵皮屋，其後東華三院重建，需投標重新分配舖位。由於當年只有一條通道進入黃大仙祠，所有香客必須先經過持牌香燭檔，所以當時抽中「1」號籌、獲優先選舖的彭姐，才選了目前最外圍的第一間。她以為可自此佔盡地利優勢，可是今非昔比，被無牌小販搶去不少生意。