原來每個樓宇單位都會行20年宅運，好多人為咗轉運，會裝修間屋然後重新入伙，希望令到宅運連續不斷，有網友就想屋企人健健康康，諗住換個電飯煲就當重新入伙，究竟係咪咁簡單呢？玄學家方海閱話，04年2月4日前入住嘅樓叫七運樓，之後入伙嘅就叫八運樓，𠵱家八運樓當運，04年前入伙嘅樓已經「無運行」！想搶番𠵱家嘅運，可以將間屋裝修後重新入伙，令七運樓變八運樓。而重新入伙嘅意思，當然唔係齋換電飯煲咁簡單，究竟係點？最起碼要髹過牆身、大門門楣，然後將啲又殘又爛嘅傢俬換晒（可以保留部份傢俬），總之要有煥然一新嘅感覺，仲要起碼遷出一個月後再擇吉日入伙，咁就可以變成八運樓喇！若果你覺得間屋越住越唔順心嘅話，不妨裝修一下，唔信可以改宅運，起碼令自己感覺Fresh啲。
記者：區佩嫦
網址： http://www.uwants.com/viewthread.php?tid=3286165&extra=page%3D2