兇器掛上身　攞命飾物

兇器掛上身　攞命飾物

兇案現場的染血家具、留低蛛絲馬迹的兇器，膽戰心驚，同Cutie大纜都扯唔埋？錯晒！激新法國品牌MissBibi喺I.T登陸，飾物一反傳統，大玩黑色幽默，一般日月星辰花草卡通公仔統統讓路俾兇器手槍，全部都的的骰骰、搶眼，有新鮮感又神神秘秘咁，戴住佢哋周街行，等你恃靚行兇，實行將香港變做罪惡之城！
記者︰劉昱蘭
攝影︰陳盛臣
Model︰SiuChing@PureModels

追兇精品闖入Colette

MissBibi打頭陣第一套首飾，就被巴黎型店Colette睇中，早前喺Colette擺咗個小型展覽，喺Newletter又讚佢夠"UniqueandExtraordinary"，一出道就風頭咁勁，有潛力繼續上位。蒙地卡羅新進設計師BrigitteGiraudi，最初以製作小型模型製品揚名，有一日突然心血來潮，試吓Keep番模型嘅比例同尺寸，以經典偵探BoardGame「Cluedo」（妙探尋兇）為靈感，設計咗座枱鏡胸口針、放大鏡戒指、兇刀頸鏈和手槍耳環等，一系列名為「Intrig」的首飾。成個系列都以純銀製作，配合Intrig嘅神秘感。簡單嘅線條設計，突出生活化的物件嘅形象，Detail嘅花紋同考手工位又夠細緻，上到位果然有原因。部份鑲咗鑽石，個Brand同個出生地蒙地卡羅一樣咁Grand。

●MissBibi在Colette嘅展覽上個月月中啱啱完咗，融合咗BrigitteGiraudi嘅強項小型模型，同埋最新首飾「Intrig」。

●每一間房嘅Detail位都做得好足，功夫、耐性、細心同埋ArtisticSense，缺一不可。

●經典Cluedo，出產50年來，在23個國家賣咗1億5,000萬盒！利用豪宅內個房間及秘密通道，尋找殺死DoctorBlack的疑犯、兇器及案發現場。

●玩具反斗城有售，旅行裝$79.9，普通版$199.9，珍藏木盒版$299.9。

行兇兇器

●係刀？刀有分頸鏈$2,599同耳環$3,899兩款，同鐘型耳環一樣，都係單邊，另一邊係一粒鑽石仔，細粒得嚟同樣有睇頭。

●槍？好欣賞枝槍，因為Detail位多，比刀做得更細緻。同樣有耳環$3,599同頸鏈$2,599兩款。

●係開信刀？研究咗好耐，個放大鏡仔戒指，同座枱鏡一樣都照到㗎。$1,199

●會唔會係呢一列工具呢？頸鏈上有鎚仔、士巴拿、鉸剪……講得出都有齊。$4,299

案發地點

●探長發現咗一盞水晶吊燈頸鏈，案發地點為客廳嘅機會率極高。見到啲剔透嘅水晶咁閃，一睇就知係巧手切割，先可以咁閃令令。$3,299

●3支白蠟燭嘅燭台心口針，有弧位有線條掛喺心口幾靚，仲貼晒題應晒景百無禁忌。$1,799

●鐘型單邊耳環，帶咗上耳仔會稍為長咗啲，但另一邊個眼鏡細細粒幾搞笑。$1,999

●金銀兩色的燈籠耳環，Detail位仲多過燭台，燈頂有花紋設計、鍍金、再加埋內鑲有水晶波仔，好搶眼。$5,399

事主身份

●探長估計，應該係一位女士，因為搵到好大塊鏡框胸口針，上面有咁講究嘅花紋，咁貪靚嘅都應該係女人。$2,499

●女事主嘅身份表露無遺，黑得嚟Shine嘅高跟鞋，細細粒耳環好啱短髮女仔加點嫵媚$1,499。

●另一款座枱鏡襟針，精緻得嚟又真係照到倒影，除咗裝飾都有少少實用價值喎，幾Cute。$1,699

靚女點睇
MissBibi？

ModelSuiChing︰「我最鍾意呢個燈籠款，有多啲嘢睇，兩隻色又有啲線條，入面又有水晶幾吸引，雖然貴但佢都值嘅。」

Soda︰「偵探題材聽落有啲新意，設計又幾細心，都有啲興趣睇吓。」

（左）Aries︰「有啲Grand水晶鑽石款，又有啲神秘款都有選擇，高踭鞋戒指最神秘。」
（右）Maggie︰「係幾Fresh不過有啲貴。」

售賣點︰

I.T（28344056）
地址︰銅鑼灣信和廣場地下及UG層