台灣電影《盛夏光年》剛上映，男主角張睿家早前憑此片勇奪金馬獎最佳新人獎。女主角楊淇在戲中先戀上張睿家，被拒愛後便與張孝全拍拖，情路崎嶇。拍罷此片，楊淇對待同性戀持更開放態度，她覺得找到真愛已很艱難，所以愛應該不分界限。
年前已簽約成為張艾嘉旗下藝人的楊淇，04年憑電影《20‧30‧40》獲提名金馬獎最佳女配角，《盛》片導演陳正道更曾盛讚楊淇說：「在李心潔、劉若英和張艾嘉的夾攻下，竟能演出特別的氣質和自己的個性跟風格，這樣的女演員非常難得」。
清純少女愛逐浪
富台灣清純氣息的楊淇甚少出席公開場合，日前她在銅鑼灣接受訪問時也略帶羞澀，不過笑容甜美可親，她說：「我拍每一部新片都會好緊張，雖然學過一年國語，但係都係麻麻哋，所以會更加緊張。」楊淇帶笑續說：「其實今次去咗台灣兩個月，部戲一半喺台北拍，一半喺花蓮拍，喺花蓮如果有時間，仲會同其他演員一齊去滑浪。」
「愛唔應該有界限」
《盛》片以青澀的少年男同性戀作題材，楊淇在戲中被張睿家拒愛後，便與張孝全拍拖，演活現今少男少女的複雜愛情關係。楊淇對同性戀三字看得很開說：「呢三個字都係大眾畀佢哋嘅名，我就覺得愛唔應該有界限，因為𠵱家呢個社會，搵到一個愛自己嘅人已經好唔簡單，點解要收埋自己咁辛苦？愛嘅話不如早啲講。我呢一代年輕人基本上唔會抗拒。」
採訪：藍文浩 攝影：仇志德
協力：陳順禎
化妝：LaurenLee
