今期2線波早飛推介，鎖定重心要蘇超福爾柯克主場砌低防線冇乜人用嘅基爾馬諾克，單W有2.1倍唔怕買。
福爾柯克雖有借將射手史杜基斯離隊（已加盟新特蘭），但頂上嘅前鋒阿倫高禾都唔係弱雞，近3場都入咗4球。福軍勝在攻力唔差，最近佢哋又從紐卡素簽得預備組前鋒芬寧根加盟，佢嗰時喺紐記B隊每隔兩場就入1粒，聽落都覺得佢幾有料。
筆者都喺網上睇過福爾柯克嘅比賽片段，發現中場大腦拿達比雖然38歲，但外型同踢法都有啲似前保頓嘅奧高查，不過拿達比走動範圍仲多，喺福軍好有作用。睇番基爾馬諾克今場有7位球員缺陣，包括幾名後衞西蒙霍特、格蘭梅利同大衞利尼都唔出得。呢啲呀？隨時輸大大鑊都未定。
克魯「大」戰奧連特
英甲克魯主場對奧連特，就純粹為盤路同唔信邪而推介。留意開英甲嘅球迷都知，克魯好興開「大」；但佢哋近4場聯賽已經全開「細」，加上奧連特近4場「大細」又係開單跳，呢場仲唔開「大」？荷甲威廉二世啱啱先喺周中打完荷盃，場波派出唔少主力，體力輸蝕；今勻主場對住近月贏過阿積士同格羅寧根嘅維廸斯，讓平/半照捧客隊。文：畢傑