年關在即，不少打工仔都指望年尾雙糧用作交稅兼辦年貨，但有無情老闆卻突然宣布公司今年取消雙糧制度，令員工大失預算。「新年前冇雙糧，我真係唔知點。」更叫網民coolkaho無奈的是，他入職時並沒有一份白紙黑字的僱傭合約，擔心口講無憑，同老闆更無商量餘地。
「冇咗份雙糧真係好慘，下個月又有情人節又有新年，好多嘢要買呀！」coolkaho的遭遇獲不少網民同情，有人勸他索性辭職，不要向無情老闆屈服。但他擔心沒有合約，無法證明誰是誰非，有網友插口，「我都俾人反口話要扣人工，但我又係冇簽合約，有冇得告？我都想知。」
記者向勞工處查詢勞資雙方口頭協議可否保障到打工仔權益，發言人明確表示：「口頭承諾同樣有法律效力。」但因個案各有不同，難以一概而論，她呼籲懷疑遭無理剝削的打工仔挺身向勞工處舉報。