屋企唔算迷信，所以細個時未飲過符水，但我好多同齡嘅朋友，都試過符水呢樣嘢！問佢哋係乜味，通常都話好難飲，苦苦哋燶燶哋咁。符水其實係將一張燒過嘅符浸落水，唔同嘅符有唔同功效，有啲可以醫病，有啲可以改運！混有黑色物質嘅符水通常都會附送符灰，究竟吞唔吞得落肚呢？玄學家方海閱師傅話，一般嘅符紙係用加咗雞蛋嘅玉扣紙做，即使齋食都得，而將道符用火燒後，即是經高溫消毒，合乎衞生。更何況符灰先係符嘅精華，要飲符水就一定要食埋啲符灰，講真，若果你唔信嘅話都唔會飲符水啦，信嘅話連符灰吞埋又有乜問題呢？
記者：區佩嫦
網址： http://www.uwants.com/viewthread.php?tid=3310564&extra=page%3D1