今季成日聽到人話，雷丁係上季升上英超後即有好表現嘅韋根「翻版」。韋根上季重喺盃賽殺入決賽，今周末足總盃一於睇實作客英冠伯明翰嘅雷丁，平手盤抵玩。冷選博再訪熱刺主場嘅修安聯「客勝」。華度
伯明翰最近頻喺電視直播亮相，足總盃第3圈兩鬥紐卡素，表現確係可圈可點；尤其重賽去到紐卡素地頭，5:1大勝對手，爆200倍冷膽，相信唔少球迷仍然記憶猶新。
不過，伯明翰以英冠球隊身份，打到英超嘅「紐記」落花流水，其實都多得對手受到嚴重傷兵問題困擾，重賽前又啱啱喺聯賽激戰完熱刺之故，本身實力係咪真係咁強，值得再考慮；尤其今周末第4圈，對手雖只係英超升班馬雷丁，伯明翰其實唔係咁值得再秤高嚟睇。
始終伯明翰呢支中部球隊，目前喺英冠有大好爭升班機會；個零禮拜前其主場亦剛重鋪草皮，但當地之後天雨連綿，球場未能及時提供良好環境比賽，先令其中一場聯賽需改期進行；今迎雷丁，正係球隊首次喺該塊新草地比賽，球員適應方面，其實唔比對手有優勢。
雷丁甚勇近4場3勝1和
雷丁雖為今季英超升班馬，但踢到𠵱家，表現有目共睹，真係唔差，沉着領軍嘅領隊郭甫，確係有料到，隊中冇乜球星人馬，勝在有隊形，遇實力級數唔同球隊，有適當嘅應對板斧。
雷丁亦有唔錯近況迎接今仗，近4場錄得3勝1和，包括上圈以3:2淘汰另一英冠球隊般尼。佢哋亦唔似伯明翰咁，有爭聯賽成績嘅隱藏因素，目前喺英超聯排第8，最多都係望爭前6位打歐協盃，但呢個盃賽亦係踢歐協盃嘅捷徑。今仗平手盤之下，雷丁真係愈睇愈吸引。
修安聯無懼再鬥熱刺
至於今周末比較有分頭選擇，不妨向另一場足總盃，作客熱刺嘅修安聯埋手。呢場亦係聯賽盃8強「翻版」戰，當時兩軍法定時間內踢成0:0；熱刺今季亦曾喺聯賽盃，主場同另一低組別球隊維爾港，戰至加時才分勝負，一於博修安聯有摸過熱刺地頭經驗，再出現法定時間內客隊不敗戰果。
投資特攻隊金句
「雷丁目前喺英超聯排第8，唔憂護級，最多都係望爭前6位打歐協盃，但呢個盃賽亦係踢歐協盃嘅捷徑噃！」