「黃大仙一共有161個解籤檔，解一支籤公價20蚊，競爭好大，淨係解籤邊夠畀每月3,000蚊租金同雜費。」在黃大仙為善信解籤逾20年的劉大漢（68歲）表示，解籤只是一種楔子，「解籤佬」主要收入還是靠為善信指點迷津睇風水等。劉大漢說：「呢行可以搵到大錢，睇一次風水收十萬八萬閒事，亦有人日日開檔都只係搵到兩餐，睇你點去做囉。」
租舖前須掛單三年
80年代初期已在黃大仙籤檔掛單（兼職）的劉大漢又說：「20幾年前，兩蚊解一支籤都可以搵到食，𠵱家收20蚊都唔夠交租。原因係以前呢行無乜皮費，𠵱家要交租、交差餉、地租、牌費等等，做埋都唔夠畀。」他自言少年時在荃灣芙蓉山被一高人收為徒學術數，做過記者，曾揸過地盤重型推土機，當過木板廠老闆，但無一樣做得長，惟有解籤做得最長，至於解籤可以搵到幾錢一個月，他則說：「夠飲茶食飯。」
「想呢度租舖做正式解籤佬都唔容易㗎，首先要搵一間籤檔掛單三年，積累一定經驗，至有資格向東華三院申請租舖。」劉大漢95年正式租舖做有牌解籤佬。