三千煩惱絲有時的確令人很𢱑頭。網民「熟戀之後」希望留長頭髮，不知從哪裏聽來土法偏方，日日以凍水洗頭，又倒立5分鐘讓頭頂充血，然而奇招效果不彰，遂請教網友快速長髮之道。近日天寒地凍，「熟戀之後」稱，用凍水洗頭很難受，加上頭髮無甚反應，「要洗幾耐先有效呀？會淨係厚而唔長嗎？」
阿丸叫「熟戀之後」放心，「我聽人哋咁講就試吓，你試吓都無壞啦。」不過，「214」卻有相反說法，「我一向短頭髮，日日用熱水洗頭，每兩個星期就長到要剪一次。」冷、熱水各師各法，邦邦聲言有祖傳秘方，透露是姐姐傳授給他，「我家姐話洗完頭，再搽啲辣椒油落頭皮，就可以刺激頭髮生長。但記住要等辣椒油同頭髮自然風亁先好沖水，我試過，頭髮真係生得快啲同有光澤好多。」
高級資深護髮顧問李詠冬稱，秀髮矜貴，千萬不要胡亂使用藥物或化學物質在頭皮上。她說，用冷水洗頭會令毛孔收縮，相信不會加速頭髮生長。她指出一般人的頭髮約需28日生長1厘米，若想快些長出一把長長秀髮，可多吃含蛋白質及鐵質食物。