前晚有大食聚會，吃任點任食放題日本餐，一張長枱坐十幾人，頭幾輪食物一到，轉瞬間已被掃走，於是各自又再大點特點，到底落了多少張單，當然唔知道啦。
坐埋一齊食嘢，方圓只十零廿呎，都有這情況；足球隊要在長逾百米的球場上踢出默契，想來也非易事。
少運動比食完唔郁好
大喝大吃之際，同事講起英格蘭聯賽盃阿仙奴迫和熱刺的神奇戰情。只是明天有大賽，前朝排位，大家都不敢挑燈睇波。巴廸斯達的EQ認真高，「擺烏龍」那球是將比數拉開變0:2，照計應加倍內疚，但他竟沒跌watt追得番兩球。用馬來比喻，明明俾對手追過頭，卻可以fightback反勝必定是大勇馬，值得繼續追捧。
飯局尾聲時，老細說一定不要錯過這星期的午飯足球時間，因為食了過量，要做運動消耗一下。正常情況踢30分鐘波，會用上210卡路里，但他們踢的是技術型「定點足球」，即是等波到，唔會走那種，恐怕運動量只有三分一。不過，總比食完唔郁好。
張美德
記者出身的著名馬評人，現職馬會節目主持人。