【台北直擊】等咗四年，張學友終於推出最新國語大碟《在你身邊》，噚日佢喺台灣麗庭莊園舉行記者會，有近百名記者到場採訪，相當墟冚。
責怪區丁玉
主持陶晶瑩開玩笑話打電話同學友太太羅美薇做訪問，學友即時耍手擰頭話：「沒有可能。」原來受訪者係幫學友監製咗20幾年唱片嘅區丁玉。學友話區丁玉𠵱家去咗北京搞幾億上市生意，累到佢呢隻碟要一腳踢，又話以四年嘅速度出一隻碟，可能出多三隻就差唔多要收檔，但係佢對歌唱事業就絕無厭倦。
對於早前有報道話學友左手舊患復發嚴重到要截肢，學友即時舉起左手講笑話：「今日我呢隻係假手。」佢解釋病情冇報道講得咁嚴重。
