卡坦尼亞喺周三聯賽，憑10號仔馬斯卡拉，下半場倒掛奠定勝局，主場贏安玻里2:1；作為前鋒嘅意大利仔馬斯卡拉今季3度領紅，名副其實係「燥底王」，但此子波底不俗，季初對國際米蘭喺左路邊線挑起個波笠射嗰球，已成本季金球，睇佢踢波賞心悅目；可惜，「燥底王」已經27歲，國家隊就冇得諗，若改吓脾氣，第日加盟大球會做後備殺手都得嘅！