英冠、英甲呢啲低組別球隊有一個怪現象，就係球隊順開可連贏幾場，衰開又係個幾兩個月冇贏波，卡廸夫城呢支衰足3個月嘅英冠球隊，上仗反底贏波，今次梗係再追佢哋贏多一仗。
卡廸夫城反彈追多鋪
卡廸夫城上周作客狼隊贏番場2:1，前鋒祖柏係呢場又有波入，叫做搵番信心，今次主場對住李斯特城，再添食唔難。不過卡廸夫城有度唔好，就係今季好鍾意主場食魚生粥，主場贏過6場聯賽，有3場贏1:0，今次再追呢個波膽。
轉戰蘇超，今季3強些路廸、格流同赫斯，狀態都好飄忽，盤路唔算好賭；反而退而求其次，長追一啲弱隊對家，似乎較易搵食；鄧弗姆林就係蘇超降班膽，近5場聯賽全輸外，更加1球都未入過；今次對住主場出擊嘅登地聯，本身登地聯都唔係叻，不過都叫做有波入，仲有登地聯今季主場贏過5場波，全部都開半全場「和/主」，順過條路，就博登地聯開「和/主」。
守尾門係意甲嘅打吡戰費倫天拿主場對利禾奴，首回合對碰，利禾奴就主場贏1:0；今仗費倫點都要贏番場；不過利禾奴一心求守，費倫上半場未必攻得佢入，可以串埋費倫「和/主」。文：牽牛