今日係歐洲足協會長選舉嘅大日子，由法國球王柏天尼（圖）挑戰爭取第5次連任嘅祖軒遜；柏天尼阿爸日前就透露阿仔壓力好大，如果落選就會四處旅遊散心，仲話連單程機票都買埋，輸咗就直接由德國嘅杜塞爾多夫飛走。我求大俠都好欣賞柏天尼主張減少4大聯賽歐冠盃席位嘅政綱，等多啲小聯賽參與呢個盃賽，希望佢順利當選拯救歐洲球壇喇！