李克勤、鄭希怡（Yumiko）及方力申等前晚在將軍澳電視城錄影《勁歌金曲》，克勤早前拍完賀歲片《美女食神》後，即告感冒，前晚他的歌曲《公主王子》成勁歌金榜冠軍歌，他雖帶病在身，聲音沙啞仍堅持現場獻唱。
讚專業守時
早前克勤與佘詩曼合作拍《美》片，有報道指阿佘姣媾他，克勤說：「阿佘好專業，人哋私生活我唔理，佢專業又守時，其他嘢冇發生過。」問他是否不過電，克勤謂：「我冇咁嘅感覺，佢着短裙都係戲服。」阿佘是否很熱情？克勤表示：「我只覺得每日都好眼瞓，呢套係喜劇，冇熱情場面。」是否要向新婚老婆盧淑儀解釋？克勤說：「唔使，相都冇一張。」至於Yumiko在《美》片中就飾演姣婆May，她表示在拍片時，克勤與阿佘只是正常地拍戲，看不出有特別感情。
採訪：卓美娟
攝影：葉君海
