陳錦鴻和港台前DJ杜雯惠的愛情結晶品將於4月出世，杜雯惠近日往醫生處檢查，獲悉腹中塊肉是男嬰，即將為人父的陳錦鴻難掩興奮。
入產房陪生仔
記者昨日致電陳錦鴻，他開心的說：「係呀，我哋好開心迎接BB到嚟，我都做定心理準備屆時陪太太入產房，睇吓佢嘅意願。」問到陳錦鴻怎樣照顧待產中的太太？他說：「我得閒咪去買餸煮啲家常便飯畀佢食，佢身體狀況都好健康。」
此外，杜雯惠自有了BB後已辭退了港台的工作，全面停工待產，陳錦鴻說：「太太生咗BB都會全職做媽咪，我到時更加要肩負一家之主嘅責任，賺多啲錢。」陳錦鴻透露已向無綫請假一個月，準備待太太生完BB後協助她湊仔。
採訪：比華利