不來梅嘅克羅地亞前鋒卡斯歷噚日換腎，佢嘅代表律師話可以喺6至8個禮拜內復出，但啲醫生就話要半年至一年，一句講晒短時間內都唔使預佢。弊在不來梅喺歇冬時將穆罕默德施丹賣畀緬恩斯，𠵱家卡斯歷要長唞，隊波得番高路斯、肯特同曉高艾美達3個前鋒。雖則佢哋喺歐冠盃出咗局，但要打歐協盃同德甲聯，前線人腳似乎唔多夠，睇嚟要簽人至得。