常言道好仔不如好新抱，但惡奶奶難為了家嫂的情節還是不斷重演。淒涼家嫂有寃無路訴，齊齊上網吐苦水，宣洩對奶奶不滿，家嫂網民都認同「奶奶唔當我係自己人」，只是「外姓人」，是「佢個仔個老婆」或者「佢個孫個阿媽」。
奶奶下令即call即到
網民nganfung在親子王國討論區內大吐苦水，形容生活在奶奶的監視下，經常要被奶奶質問：「我去酒樓食飯拎嘢畀我個女食，我奶奶都要問我點解唔拎啲嘢畀個老公食，佢（老公）咁大個人，鍾意食咪自己去拎，我梗係顧住個細先啦！」她無奈地表示：「有時我諗奶奶都咁老，我忍得就忍，但係人係會有情緒的，遲早谷到爆！」
網民小寶貝兒更形容：「我奶奶當我係生仔機器、清潔家傭、照顧佢個仔嘅妹仔、照顧佢嘅阿四，仲要即call即到。」
不過幸好她有丈夫支持：「奶奶越迫害我，我老公就越錫我，奶奶梗睇唔過眼啦！」