香港演員錢嘉樂（圖）經常拍攝飛車特技場面，對於妮歌潔曼因拍戲發生撞車意外，嘉樂昨日在電話中說：「有拖車嘅setting，通常只係拍演員特寫，相對嚟講冇咁危險，但始終部拖車車身較長，速度亦有番咁上下，如果轉一個90度嘅彎，啲動力喺晒前邊，後面嘅離心力都會幾大，如果轉彎角度同速度計算唔準，就會有妮歌咁樣嘅情況發生，所以拍之前一定要度得好準，試過冇事先至搵演員去做。」
身為動作導演的熊欣欣則說：「照計呢類小問題好少會發生，可能係拖車轉彎轉得唔好，入嘅角度太大所致。如果速度同入彎控制得好嘅話，部車開幾快都冇問題。」
採訪：戴彩煥