內地孕婦大軍湧港激起民怨，本地孕婦雖然受到市民同情，但同為大肚婆，內地孕婦和香港孕婦外表根本難以分辨，結果有本地孕婦就慘遭惡港人誤認為內地孕婦，乘坐地鐵時不但不獲讓座，還遭冷言冷語：「最憎啲死國內大肚婆！」
網民藍天小仙子腹大便便，日前由藍田乘地鐵到荃灣，沿途十多個站竟不獲體恤讓座，原來她被誤認為內地孕婦。
搭車遭惡女人白眼
「有個男人見我大肚婆企得咁辛苦，想讓位畀我坐吓，點知佢隔籬個女人話：『讓乜鬼呀！最憎啲死國內大肚婆！』」更教藍天小仙子氣憤的是，此時友人剛好來電，她就以純正廣東話交談，豈料該惡女人說：「咩呀！唔俾佢專登學廣東話扮香港人㗎！」
自言祖宗三代及自己均在香港土生土長的藍天小仙子表示，已多次受到類似的歧視眼光和嘲諷，丈夫更差點因此與人口角。她無奈地說：「唔通我要吓吓掛個牌喺個身度，表明自己係香港大肚婆？原來街上嘅人畀我嘅壓力同折磨，比陀住個肚更甚！」
對於藍天小仙子遭遇，網民都深表同情，「雖然我都唔鍾意大陸人，但講真，無論係大陸孕婦又好，香港孕婦都好，都應該讓座畀大肚婆。」另有網民感歎：「就算佢哋真係大陸孕婦，我哋都唔應該咁樣講嘢，香港有自由、有法治，更應該有人情味。」