《金史》裏面一句話：「疑人勿使，使人勿疑」道盡千百年來用人嘅遊戲規則！今晚維拉利爾對皇馬，如果有列基美，如果皇馬班新仔表現神勇，應該幾好睇……
維拉利爾自從上季歐冠盃出局，已經無太留意呢隊波，因為列基美太令人傷心了，用中國武俠小說嘅講法：「此人絕非將相之材，難成大器」。最近，大家如果有睇報道，佢有異心，身在曹營心在漢，養唔熟，激死維拉利爾班高層，隊波想有好成績都難啦！
睇返皇馬班新仔開始融合入隊波，希古恩、加高，算收貨；不過，新人表現還需時間磨合。作客能否贏波？無乜信心啦！
另一隊西甲班霸巴塞，唔知係咪踢完世冠球會盃，球員冇得休息，到𠵱家好似未上力！休息咗半季都未有狀態？對住狀態麻麻嘅切爾達，我諗僅勝一球！穩陣之選，當然係馬體會主場對桑坦德，近5場聯賽未輸過，迫和巴塞，今晚主場夠晒穩陣，入球「大」都係唔錯嘅選擇！
周鵬
商業1台《球迷集中贏》主持\
電郵：[email protected]