方伊琪（右）、李麗霞、陳浩德（左）同魯振順等，前晚喺荃灣大會堂為「博愛名人名曲慈善演唱會」演出。方伊琪同陳浩德過去十年都有為博愛醫院義演募捐，方伊琪仲話慈善做得多，人都靚啲。前晚有好多fans支持陳浩德，送禮物之餘又送利是，佢話：「佢哋支持咗我好多年，每次接佢哋禮物都要記得叫佢哋個名，如果唔係佢哋會嬲㗎！」