李婉華、黃淑儀及盧宛茵前晚在將軍澳廣播城錄影節目《問題娛樂圈》，李婉華表示由加拿大溫哥華回港度假已經三星期，由於女兒快將開學，日內便會返回加國，她說：「今次係一家大細返嚟，但因為嗰邊電台要返工，同埋個女要開學，所以呢兩日就會走，都有啲唔捨得。」問她離開香港一段日子，對於香港娛樂圈的新聞可會熟悉，她笑說：「嗰邊我有做電台同上網，都好熟，反而返嚟呢三個禮拜就冇睇報紙，都驚跟唔到，我最大勁敵係淑儀姐。」
雯女毋須媒人
早前有指李婉華當媒人，介紹男士予好友鄧萃雯認識，李婉華聞言說：「雯女使乜介紹？佢不知幾受歡迎，上次只係有個朋友約埋一齊食飯啫。」
採訪、攝影：楊潔雯