在紅館舉行個唱是每位歌手的心願，新人更不知要捱多少年才能踏上這舞台。不過自從側田出道一年便在紅館開騷，無疑令新晉歌手增加信心。但在未有足夠實力在紅館開騷之前，他們都渴望擁有屬於自己的音樂會，方大同下月便有這個機會。
方大同下月1日至3日在藝術中心舉行首個個人音樂會「方大同愛愛愛音樂會」，他日前接受訪問，娓娓道出獲悉老闆為他舉行音樂會時的反應，方大同笑說：「第一個反應係『吓！』，過咗三秒我就『哦』咗聲，再隔多陣就覺得時間好迫切，開始擔心會準備得唔好，但係擔心嘅情緒又俾開心嘅感覺掩蓋，總之好複雜啦！」
慶幸出道合時
方大同又提醒各人購票前要想清楚，因為演唱會不會有任何視覺效果，沒有連場勁歌熱舞，就連華麗的衣服也欠奉，他說：「我個騷係以音樂為主，我本身好鍾意外國嘅音樂會，好多時啲歌手由頭到尾都係着一套衫，得一隊band，成晚都係以歌會友，不過我相信鍾意我嘅歌迷，一定會接受咁樣形式嘅表演。」
對於近年歌迷開始支持唱作歌手，身為唱作人的方大同感到高興，因為多了生存空間及成功感，他又慶幸能在這個時刻加入樂壇，他說：「其實我7年前已經開始傾唱片公司，如果當時出道，相信唔會有𠵱家咁嘅際遇，分分鐘出一隻碟之後就冇影。但係喺呢個時候我反而覺得好適合，所以我會珍惜現有一切，努力做好自己嘅音樂。」
採訪：李珮洳 攝影：陳順禎
場所提供：DANRYAN'S
